Árið 2018 hóf Baseload Capital, að leita nýrra þróunarverkefna á markaði sem byði upp á möguleika í framleiðslu varmaorku. Hugmyndin var sú að styðja þróunaraðila með þekkingu á sviði nýrrar tækni í þeim tilgangi að flýta fyrir fjármögnun og innleiðingu slíkra verkefna, ásamt því að auka verðmæti og minnka kostnað.
Sama ár var fyrirtækið Varmaorka valið sem samstarfsaðili á Íslandi, byggt á víðtækri þekkingu þeirra á þróun verkefna sem snúa að jarðhitavirkjun. Stuttu síðar hófst uppbygging fyrsta orkuversins.
Árið 2021 var Baseload Power Iceland stofnað með það að markmiði að styðja þróun og starfsemi orkuvera Varmaorku enn frekar. Þegar árið 2022 gekk í garð var ákveðið að sameina starfsemi Varmaorku við Baseload Power Iceland í þeim tilgangi að efla staðbundin tækifæri enn frekar og hagnýta styrk Baseload Capital.
Í dag eru orkuver Baseload starfrækt í fjórum löndum: Bandaríkjunum, Japan, Taívan og á Íslandi. Við erum á góðri leið með að endurskilgreina orkugeirann og vinnum hörðum höndum að því að leysa stærsta endurnýjanlega orkugjafa jarðar úr læðingi og raungera þannig hugsjón okkar um jörð í jafnvægi.
Anders er reynslumikill frumkvöðull með yfir 15 ára reynslu af alþjóðlegri rekstrarráðgjöf. Anders hefur sinnt fyrirtækjaþróun og stjórnun með góðum árangri, bæði sem meðeigandi eigin ráðgjafarfyrirtækis og einnig í fjölda verkefna í Evrópu og Asíu.
Hermann hlaut MBA-gráðu frá háskólanum Michigan State og BS-gráðu í hagfræði frá Háskóla Íslands. Hann býr yfir mikilli reynslu af fjármálum fyrirtækja í tengslum við endurnýjanlega orku og jarðhitaverkefni, þ.m.t. verðmat, arðsemismat, fjármögnun og fjáröflun.
Ragnar var sveitarstjóri Biskupstungnahrepps og síðar Bláskógabyggðar. Þegar Ragnar lét af störfum sem sveitarstjóri Bláskógabyggðar tók hann við sem framkvæmdastjóri hjá THG Arkitektum einni fremstu hönnunarstofu Íslands. Í framhaldi af því fór hann í eigin hótelrekstur ásamt því að sinna þróun fasteignaverkefna. Ragnar er með kennsluréttindi en hefur einnig lokið námi í viðskiptum og rekstri auk náms í opinberri stjórnsýslu frá Háskóla Íslands.
Ívar er með diplóma í iðnrekstrarfræði og vélfræði frá Háskólanum í Reykjavík ásamt IPMA-vottun. Hann hefur víðtæka þekkingu á orkugeiranum og byggingaverkfræði orkuvera, m.a. á Nesjavöllum, Hellisheiði og Þeistareykjum.
Hjörleifur er reynslumikill þegar kemur að verkefnaþróun sem sést á starfi hans innan vélaiðnaðarins. Hann er með BS-gráðu í véla- og orkutæknifræði frá Háskólanum í Reykjavík og var þar einnig hluti af liðinu sem tók þátt í Formula Student-keppninni. Hann er líka með meistaragráðu í sjálfbærri orkuverkfræði frá Íslenska orkuháskólanum.
Dario er reyndur jarðfræðingur. Hann er með meistaragráðu í jarðfræði frá Háskóla Íslands og BS-gráðu í jarðfræði frá Háskólanum í Edinborg. Hann hlaut einnig meistaragráðu í jarðvísindum frá Eni Corporate University (ECU) í Mílanó. Áður starfaði hann sem jarðfræðingur fyrir Enel Green Power í tengslum við núverandi verkefni þeirra í og í kringum Toscana-héraðið á Ítalíu.
