Marta Rós Karlsdóttir ráðin framkvæmdastýra hjá Baseload Power á Íslandi

nóv 27,2023

Marta Rós ber ábyrgð á forystu og þróun Baseload Power á Íslandi og mun gegna lykilhlutverki við þróun jarðvarmaverkefna sem nýta lághita til framleiðslu á rafmagni og heitu vatni.

Marta Rós er með doktorsgráðu og MSc gráðu í vélaverkfræði frá Háskóla Íslands, með hluta námsins við Norska vísinda- og tækniháskólann (NTNU) á sviði orku- og umhverfisverkfræði.

Hún hefur víðtæka reynslu innan orkumála á Íslandi með áherslu á jarðvarmavirkjanir, sjálfbæra auðlindanýtingu, bætta orkunýtni, stjórnsýslu og stefnumótun.

Áður en hún hóf störf hjá Baseload þann 1. október s.l. gegndi hún stjórnunarstörfum hjá Orkustofnun og Orku náttúrunnar, auk sjálfbærniráðgjöf hjá Verkís verkfræðistofu. Hún sinnir jafnframt stundarkennslu og tekur þátt í rannsóknarstarfi við Háskóla Íslands.

“Ísland gegnir lykilhlutverki í þróun jarðhitanýtingar á heimsvísu. Baseload Power á Íslandi hefur þá sérstöðu að vinna að minni og meðalstórum jarðhitaverkefnum sem hafa það markmið að framleiða raforku og heitt vatn úr sjóðandi lághitaauðlindum á hagkvæman máta, nærsamfélögum til heilla. Slík verkefni eru jafnframt raunhæf víða um heim. Á alþjóðavettvangi starfar Baseload samstæðan að því að hraða þróun jarðhitanýtingar og vinnur nú að verkefnum í Japan, Bandaríkjunum og Taívan ásamt Íslandi. Ég er afar spennt að vinna með framúrskarandi fagfólki, bæði hérlendis sem erlendis, og byggja upp íslensk verkefni sem og koma okkar reynslu og þekkingu á sviði jarðhitanýtingar enn frekar í not erlendis."  segir Marta Rós.

RELATED POSTS

BASELOAD POWER ÍSLAND MUN TAKA ÞÁTT Í FAGÞINGi SAMORKU 2023 Á SELFOSSI

Það er ánægjulegt að setja frá því að Baseload Power Iceland mun taka þátt í Fagþingi Samorku 2023 á Selfossi! Fagþingið 2023 verður haldið 3.-5. […]

BASELOAD POWER ICELAND TO INCREASE CAPACITY WITH NEW GEOTHERMAL WELL

Baseload Power Iceland and Varmaorka ehf. are pleased to announce that they have received all required approval to begin drilling a new well called ER-24 […]

IF YOU PUT YOUR MIND TO IT, ANYTHING IS POSSIBLE

Today there is a lot of talk about victory. Victory is glorified, sought after and often the focus of discussion. But what is perhaps more […]
menuchevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram